ధర్మరాజ కృత దుర్గా స్తవం

విరాటనగరమ్ రమ్యమ్ గచ్ఛమనో యుధిష్ఠిరః

అస్తువన్మనసా దేవీమ్ దుర్గామ్ త్రిభువనేశ్వరీమ్ 1

యశోదా గర్భసంభూతామ్ నారాయణవర ప్రియామ్

నందగోప కులే జాతామ్ మంగల్యామ్ కులవర్ధినీమ్ 2

కంసవిద్రావణకరీమ్ అసురాణామ్ క్షయంకరీమ్

శిలాతట వినిక్షిప్తామ్ ఆకాశమ్ ప్రతిగామినీమ్ 3

వాసుదేవస్య భగినీమ్ దివ్యమాల్య విభూషితామ్

దివ్యాంబర ధరామ్ దేవీమ్ ఖడ్గఖేటకధారిణీమ్ 4

భారావతరణే పుణ్యే యే స్మరన్తి సదాశివామ్

తాన్ వై తారయసే పాపాత్ పంకేగామ్ ఇవ దుర్బలామ్ 5

స్తోతుమ్ ప్రచక్రమే భూయో వివిధై: స్తోత్ర సంభవై:

ఆమన్త్ర్య దర్శనాకాంక్షీ రాజా దేవీమ్ సహానుజః 6

నమోsస్తు వరదే కృష్ణే కుమారి బ్రహ్మచారిణి

బాలార్క సదృశాకారే పూర్ణచంద్ర నిభాననే 7

చతుర్భుజే చతుర్వ క్త్రే పీనశ్రోణి పయోధరే

మయూర పింఛ వలయే కేయురాంగద ధారిణీ 8

భాసి దేవి యథా పద్మా నారాయణ పరిగ్రహ:

స్వరూపమ్ బ్రహ్మచర్యమ్ చ విశదమ్ గగనేశ్వరీ 9

కృష్ణచ్ఛవి సమాకృష్ణా సంకర్షణ సమాననా

బిభ్రతీ విపులౌ బాహూ శక్రధ్వజ సముచ్చ్రయౌ 10

పాత్రీ చ పంకజీ ఘంటీ స్త్రీ విశుద్ధా చ యా భువి

పాశమ్ ధనుర్మహాచక్రమ్ వివిధాన్యాయుదాని చ 11

కుండలాభ్యామ్ సుపూర్ణాభ్యామ్ కర్ణాభ్యామ్ చ విభూషితా

చంద్రవిస్పర్దినా దేవి ముఖేన త్వమ్ విరాజసే 12

ముకుటేన విచిత్రేణ కేశబంధేన శోభినా

భుజంగా భోగవాసేన శ్రోణిసూత్రేణ రాజతా 13

విభ్రాజసేచావబద్ధేన భోగేనేవేహ మందరః

ధ్వజేన శిఖిపింఛానాముచ్ఛ్రితేన విరాజసే 14

కౌమారమ్ వ్రతమాస్థాయ త్రిదివమ్ పావితమ్ త్వయా

తేన త్వమ్ స్తూయసే దేవి త్రిదశై: పూజ్యసేsపి చ 15

త్రైలోక్య రక్షణార్ధాయ మహిషాసురనాశిని

ప్రసన్నామే సురశ్రేష్ఠే దయామ్ కురు శివా భవ 16

జయా త్వమ్ విజయాచైవ సంగ్రామే చ జయప్రదా

మమాపి విజయమ్ దేవి వరదా త్వమ్ చ సాంప్రతమ్ 17

విన్ధ్యేచైవ నగశ్రేష్ఠే తవ స్థానమ్ హి శాశ్వతమ్

కాళి కాళి మహా కాళి ఖడ్గ ఖట్వాంగ ధారిణి 18

కృతానుయాత్రా భూత్యైస్త్వం వరదా కామచారిణీ

భారవతారే యే చ త్వాం సంస్మరిష్యంతి మానవా: 19

ప్రణమన్తి చ యే త్వామ్ హి ప్రభాతే తు నరా భువి

తేషామ్ దుర్లభమ్ కించిత్ పుత్రతో ధనదోsపి వా 20

దుర్గాత్ తారయసే దుర్గే తత్త్వమ్ దుర్గా స్మృతా జనై:

కాన్తారేష్వవసన్నానామ్ మగ్నానామ్ చ మహార్ణవ: 21

దస్యుభిర్వానిరుద్ధానామ్ క్వమ్ గతి: పరమానృణామ్

జలప్రతరణేచైవ కాన్తారేష్వటవీషుచ 22

యే స్మరన్తి మహాదేవి న చ సీదన్తి తే నరా:

త్వం కీర్తి:శ్రీ ధృతి:సిద్ధిర్హ్రీర్విద్యా సంతతిర్మతి: 23

సంధ్యా రాత్రి:ప్రభా నిద్రా జ్యోత్స్నా కాంతి:క్షమా దయా

నృణామ్ చ బంధనం మొహం పుత్రనాశమ్ ధన క్షయమ్ 24

వ్యాధి మృత్యు భయం చైవ పూజితా నాశయిష్యసి

సోsహం రాజ్యాత్ పరిభ్రష్ట: శరణమ్ త్వాం ప్రపన్నవాన్ 25

ప్రణతశ్చ యథా మూర్థ్నాతవ దేవి సురేశ్వరి

త్రాహిమామ్ పద్మపత్రాక్షి సత్యే సత్యా భవస్వన: 26

శరణమ్ భవ మే దుర్గే శరణ్యే భక్తవత్సలే

ఏవం స్తుతా హి సా దేవీ దర్శయామాస పాండవమ్ 27

ఉపగమ్యతు రాజానమ్ ఇదమ్ వచనమబ్రవీత్

శృణు రాజన్ మహాబాహో మదీయమ్ వచనమ్ ప్రభో 28

భవిష్యద్యచిరాదేవ సంగ్రామే విజయస్తవ

మమ ప్రసాదన్నిర్జిత్య హత్వా కౌరవ వాహినీమ్ 29

రాజ్యమ్ నిష్కంటకమ్ కృత్వా భోక్ష్యసే మేదినీం పున:

భ్రాతృభి: సహితో రాజన్ ప్రీతిమ్ ప్రాప్స్యసి పుష్కలామ్ 30

మత్ప్రసాదాచ్చ తే సౌఖ్యమారోగ్యం చ భవిష్యతి

ఏ చ సంకీర్తయిష్యంతి లోకే విగత కల్మషా:

తేషామ్ తుష్టా ప్రదాస్యామి రాజ్యమాయుర్వపు: సుతమ్ 31

ప్రవాసే నగరే చాపి సంగ్రామే శత్రుసంకటే

అటవ్యామ్ దుర్గకాన్తారే సాగరే గహనే గిరౌ 32

యే స్మరిష్యంతి మాం రాజన్ యథాహం భవతా స్మృతా 33

న తేషామ్ దుర్లభమ్ కిన్చిదస్మిన్లోకే భవిష్యతి

ఇదం స్తోత్రవరం భక్త్యా శృణుయాద్ వా పఠేత వా 34

తస్య సర్వాణి కార్యాణి సిద్ధిమ్ యాస్యన్తి పాండవా:

మత్ప్రసాదాచ్చ వ: సర్వాన్ విరాట నగరే స్థితాన్ 35

న ప్రజ్ఞాస్యన్తి కురవో నరా వా తన్నివాసిన:

ఇత్యుక్త్వా వరదా దేవీ యుధిష్ఠిరమరిన్దమమ్

రక్షాం కృత్వా చ పాన్డూనాం తత్రైవాన్తరధీయత 36

~~~ దుర్గా స్తవమ్ సమాప్తమ్ ~~~